ମୋର ପ୍ରଥମ କବିତା

            ପ୍ରଥମ ସବୁବେଳେ ନିଆରା ହିଁ ହୋଇଥାଏ,  ସେ ପ୍ରଥମ ପ୍ରେମ ହେଉ କି ପ୍ରଥମ କଲେଜ୍ ଯିବା । ସେମିତି ମୋ ଜୀବନର ନିଆରା ଓ ଆନନ୍ଦଦାୟକ ମୂହୁର୍ତ୍ତ ଥିଲା ମୋର ପ୍ରଥମ କବିତା ପ୍ରକାଶିତ ହେବା । ମୁଁ ସପ୍ତମ ଶ୍ରେଣୀରେ ପଢୁଥିବା ବେଳେ ମୋ ଜୀବନର ପ୍ରଥମ କବିତା ଲେଖିଥିଲି । କବିତାର ଶୀର୍ଷକ ଥିଲା ସପ୍ତ ଋଷି ଯାହା ଆମ ବିଦ୍ୟାଳୟର ମୁଖପତ୍ର ବନଜ୍ୟତିରେ ପ୍ରକାଶିତ ହୋଇଥିଲା । ମୋ କବିତାକୁ ପତ୍ରିକାରେ, ସହପାଠୀ, ଭାଇ, ଅପା ତଥା ଶିକ୍ଷକ ଶିକ୍ଷୟିତ୍ରୀଙ୍କ କବିତା ଗହଣରେ ଦେଖିକି ସେଦିନ ବହୁତ ଖୁସି ହୋଇଥିଲି ।

            ସେଇଠୁ ହିଁ ମୋ ଦେହରେ କବିଟିଏ ଜନ୍ମ ନେଇଥିଲା । ପରବର୍ତ୍ତୀ ସମୟରେ ମୁଁ ମୋର ମାତୃଭାଷା ସାନ୍ତାଳୀରେ ଲେଖା ଲେଖି ଆରମ୍ଭ କଲି । ଯୋଦିଓ ଏକାଦଶ ଶ୍ରେଣୀ ବେଳକୁ ମୁଁ ଓଡ଼ିଆ ଓ ସାନ୍ତାଳୀ ଭାଷାରେ ଅନେକ କବିତା ଲେଖି ସାରିଥିଲି କିନ୍ତୁ ମୋର ପ୍ରଥମ ସାନ୍ତାଳୀ କବିତା ଦ୍ବାଦଶ ଶ୍ରେଣୀ ବେଳକୁ ପ୍ରକାଶିତ ହୋଇଥିଲା ଝାଡ଼ଖଣ୍ଡ ରାଜ୍ୟର ଜାମସେଦପୁରର ପାଞ୍ଜା ନାମକ ଦ୍ୱିମାସିକ ସାହିତ୍ୟ ପତ୍ରିକାରେ ।

            ଆଜିର ବ୍ଲଗରେ ମୋ ଜୀବନର ପ୍ରଥମ କବିତାକୁ ଆପଣ ମାନଙ୍କ ଉଦ୍ଦେଶ୍ୟରେ ସମର୍ପିତ କରୁଅଛି ।

 ସପ୍ତ ଋଷି

ରାତ୍ର ସମୟେ              ଉତ୍ତର ଦିଗେ 

            ଦିଶଇ ସାତଟି ତାରା 

ଦାଆ ଭଳିଆ               ଆକୃତି ତା'ର 

            ନାମ ସପ୍ତ ଋଷି ପରା ।

କ୍ରତୁ, ପୁଲହ,           ପୁଲସ୍ତ୍ୟ, ଅତ୍ରି 

           ବଶିଷ୍ଠ ଆଉ ଅଙ୍ଗିରା 

ଶେଷେ ରହିଲା         ମରିଚୀ ତାରା 

        ତାରା ଗଣା ଶେଷ ହେଲା ।

କାନନେ ଅବା            ଜଳ ଜାହାଜେ 

            ଦିଗ ନ ପଡ଼ିଲେ ଜଣା

ଏହି ତାରାକୁ               ଚାହିଁବ ଆଉ 

          ହେବ ନାହିଁ ବାଟବଣା ।।

ᱠᱟᱹᱲᱯᱩ ᱦᱟᱯᱟ

              ᱚᱠᱟᱨᱮᱪᱚ ᱯᱟᱞᱮ ᱫᱚᱦᱚ ᱞᱮᱫ ᱡᱷᱚᱜ ᱦᱟᱲᱟᱢ'ᱟᱜ ᱦᱟᱯᱟ ᱨᱮᱫᱚ ᱥᱤᱢᱤᱡ ᱞᱟᱴᱠᱟᱣ ᱞᱮᱱᱟ ᱾ ᱟᱫᱚ ᱚᱱᱟ ᱜᱮ ᱱᱷᱟᱜ ᱮ ᱥᱟᱵ ᱥᱚᱡᱷᱮ ᱮᱫᱟ ᱢᱟ ᱥᱤᱢᱤᱡ ᱫᱚ ᱠᱚᱞᱮᱡᱽ ᱠᱚᱲᱟ ᱥᱟᱹᱞᱠᱷᱩ'ᱟᱜ ᱫᱚᱛᱚ ᱨᱮ ᱡᱮᱨᱮᱲ ᱮᱱᱟ ᱾ ᱥᱤᱢᱤᱡ ᱫᱚ ᱥᱚ ᱠᱮᱫᱮ ᱠᱷᱟᱱ ᱨᱟᱹᱜᱤ ᱛᱮ ᱥᱟᱹᱞᱠᱷᱩ ᱚᱱᱟ ᱦᱟᱯᱟ ᱩᱱᱤ ᱦᱟᱲᱟᱢ ᱮ ᱨᱮᱡ ᱠᱮᱫᱮᱭᱟ ᱾ ᱮᱴᱟᱜ ᱦᱚᱲ ᱦᱟᱸᱦᱟᱸ ᱦᱟᱸᱦᱟᱸ ᱢᱮᱱ ᱵᱟᱲᱟᱭ ᱛᱮᱜᱮ ᱥᱟᱹᱞᱠᱷᱩ ᱦᱟᱯᱟ ᱫᱚ ᱵᱟᱥ ᱜᱟᱹᱰᱤ ᱠᱷᱚᱱᱟᱜ ᱞᱟᱛᱟᱨ ᱥᱮᱫ ᱮ ᱪᱟᱯᱟᱫ ᱜᱤᱰᱤ ᱠᱟᱫ ᱟ ᱾ 

            ᱠᱚᱱᱰᱚᱠᱴᱚᱨ ᱱᱚᱶᱟ ᱠᱟᱛᱷᱟᱭ ᱵᱟᱰᱟᱭ ᱠᱮᱫ ᱠᱷᱟᱱ ᱵᱟᱥ ᱜᱟᱹᱰᱤ ᱛᱤᱸᱜᱩ ᱠᱟᱛᱮ ᱦᱟᱲᱟᱢ ᱦᱟᱯᱟ ᱠᱚ ᱦᱟᱞᱟᱝ ᱟᱹᱜᱩ ᱟᱫᱮᱭᱟ ᱾ 

              ᱵᱟᱥ ᱜᱟᱹᱰᱤ ᱟᱨᱦᱚᱸ ᱫᱟᱹᱲ ᱮ ᱮᱦᱚᱵ ᱠᱮᱫᱟ ᱾ ᱩᱱᱤ ᱦᱟᱲᱟᱢ ᱥᱟᱹᱞᱠᱷᱩ ᱛᱩᱞᱩᱡ ᱮ ᱢᱮᱱ ᱠᱮᱫᱟ, "ᱤᱠᱟᱹ ᱠᱟᱹᱧ ᱢᱮᱭᱟ ᱵᱟᱹᱵᱩ, ᱵᱟᱰᱟᱭ ᱛᱩᱞᱩᱡ ᱫᱚ ᱱᱚᱶᱟ ᱦᱟᱯᱟ ᱨᱮ ᱥᱤᱢᱤᱡ ᱵᱟᱹᱧ ᱞᱟᱴᱠᱟᱣ ᱟᱠᱟᱫ ᱟ ᱾ ᱢᱤᱫᱴᱟᱝ ᱠᱟᱛᱷᱟ ᱩᱭᱦᱟᱹᱨ ᱫᱚᱦᱚ ᱠᱟᱜ ᱢᱮ- ᱟᱢ ᱦᱚᱢ ᱦᱟᱲᱟᱢᱚᱜ ᱜᱮᱭᱟ, ᱟᱢ ᱦᱚᱸ ᱢᱤᱫ ᱫᱤᱱ ᱦᱤᱞᱚᱜ ᱠᱟᱹᱲᱯᱩ ᱦᱟᱯᱟ ᱥᱟᱵ ᱦᱩᱭᱟᱢ ᱜᱮᱭᱟ ᱾"

ᱫᱚᱥ

                   ᱡᱷᱤᱞᱤ ᱡᱚᱠᱷᱚᱱ ᱱᱟᱶᱟ ᱵᱟᱹᱦᱩ ᱵᱮᱱᱟᱣ ᱠᱟᱛᱮ ᱱᱚᱶᱟ ᱚᱲᱟᱜ ᱛᱮ ᱦᱮᱡ ᱞᱮᱱᱟᱭ ᱢᱮᱱ ᱛᱟᱦᱮᱸᱫ ᱮ, "ᱱᱩᱭ ᱦᱟᱱᱦᱟᱨ ᱵᱩᱰᱷᱤ ᱫᱚᱱᱟᱭ ᱥᱤᱠᱤᱲ ᱜᱮᱭᱟ, ᱠᱟᱹᱢᱤ ᱜᱮ ᱚᱠᱟ ᱦᱚᱸ ᱵᱟᱭ ᱠᱩᱥᱤᱭᱟᱜ ᱛᱟᱢᱟ ᱾" 

                ᱟᱡ ᱡᱚᱠᱷᱚᱱ ᱵᱟᱹᱦᱩ ᱠᱷᱚᱱᱟᱜ ᱦᱟᱱᱦᱟᱨ ᱵᱩᱰᱷᱤ ᱛᱮ ᱯᱨᱚᱢᱚᱥᱚᱱ ᱮᱱᱟᱭ ᱮᱜᱮᱨᱟᱭ, "ᱱᱩᱭ ᱵᱟᱹᱦᱩ ᱫᱚᱱᱟᱭ ᱥᱤᱨᱜᱟᱹᱫ ᱜᱮᱭᱟ, ᱦᱟᱱᱦᱟᱨ ᱟᱭᱳ ᱪᱮᱫ ᱞᱮᱠᱟ ᱢᱟᱹᱱ ᱥᱚᱢᱢᱟᱱ ᱠᱚ ᱮᱢᱟ ᱠᱚᱣᱟ ᱚᱱᱟ ᱦᱚᱸ ᱵᱟᱭ ᱵᱟᱰᱟᱭᱟ ᱾" 

ᱵᱩᱞᱩᱝ

          ᱜᱟᱺᱫᱷᱤ ᱵᱟᱵᱟᱭᱤᱡ ᱮᱨᱟ ᱠᱚᱥᱛᱩᱨᱵᱟ ᱢᱤᱫ ᱫᱷᱟᱣ ᱪᱮᱫ ᱵᱮᱢᱟᱨ ᱨᱮᱪᱚᱭ ᱯᱟᱲᱟᱣ ᱮᱱᱟ ᱾ ᱰᱟᱠᱛᱚᱨ ᱠᱚ ᱧᱮᱞ ᱵᱟᱲᱟ ᱚᱪᱚ ᱠᱮᱫ ᱠᱚ ᱠᱷᱟᱱ ᱠᱚ ᱞᱟᱹᱭ ᱠᱮᱫᱟ, ''ᱱᱚᱶᱟ ᱟᱡᱟᱨ ᱨᱮᱭᱟᱜ ᱨᱟᱱ ᱫᱚ ᱵᱟᱹᱱᱩᱜ-ᱟ; ᱛᱚᱵᱮ ᱨᱩᱜᱤ ᱵᱩᱞᱩᱝ ᱡᱚᱢ ᱮ ᱵᱟᱹᱜᱤ ᱞᱮᱠᱷᱟᱱ ᱟᱡᱟᱨ ᱫᱚ ᱵᱮᱥᱚᱜ-ᱟ ᱾''

       ᱰᱟᱠᱛᱚᱨ ᱟᱜ ᱠᱟᱛᱷᱟ ᱜᱟᱺᱫᱤ ᱵᱟᱵᱟ ᱮᱨᱟ ᱛᱟᱭ ᱮ ᱞᱟᱹᱭ ᱟᱫᱮᱭᱟ ᱾ ᱠᱟᱛᱷᱟ ᱟᱧᱡᱚᱢ ᱥᱟᱶ ᱜᱮ ᱠᱚᱥᱛᱩᱨᱵᱟᱭ ᱢᱮᱱ ᱠᱮᱫ-ᱟ, ''ᱵᱟᱝ, ᱤᱧ ᱫᱚ ᱵᱩᱞᱩᱝ ᱵᱮᱜᱚᱨ ᱢᱤᱫ ᱥᱟᱹᱠᱲᱤ ᱦᱚᱸ ᱵᱟᱹᱧ ᱩᱫ ᱠᱮᱭᱟ ᱾ ᱤᱧ ᱵᱩᱞᱩᱝ ᱵᱟᱹᱜᱤᱢ ᱢᱮᱛᱟᱹᱧ ᱠᱟᱱᱟ ᱟᱢ ᱵᱤᱱᱟᱹ ᱵᱩᱞᱩᱝ ᱛᱮ ᱡᱚᱢ ᱵᱤᱰᱟᱹᱣ ᱢᱮᱥᱮ ᱾''

       ᱚᱱᱟ ᱫᱚᱥᱟᱨ ᱦᱤᱞᱚᱜ ᱠᱷᱚᱱ ᱜᱮ ᱜᱟᱺᱫᱷᱤ ᱵᱟᱵᱟ ᱫᱚ ᱵᱩᱞᱩᱝ ᱡᱚᱢ ᱮ ᱵᱟᱹᱜᱤ ᱠᱮᱫ ᱟ ᱾ ᱟᱡ ᱧᱮᱞ ᱛᱮ ᱠᱚᱥᱛᱩᱨᱵᱟ ᱦᱚᱸ ᱵᱩᱞᱩᱝ ᱡᱚᱢ ᱮ ᱵᱟᱹᱜᱤ ᱠᱮᱫ-ᱟ ᱾ ᱠᱤᱪᱷᱤ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱟᱡᱟᱜ ᱵᱮᱢᱟᱨ ᱵᱮᱥ ᱮᱱᱟ ᱾ 

ᱤᱧ

 ᱚᱱᱠᱟᱱ ᱵᱩᱜᱤᱭᱟᱜ ᱤᱧ ᱠᱟᱹᱢᱤᱭᱟ 

ᱚᱠᱚᱭ ᱵᱟᱠᱚ ᱠᱟᱹᱢᱤ ᱠᱟᱜ-ᱟ 

ᱚᱠᱚᱭ ᱵᱟᱠᱚ ᱥᱮᱴᱮᱨ ᱠᱟᱜ-ᱟ 

          ᱚᱠᱚᱭ ᱵᱟᱠᱚ ᱛᱤᱭᱩᱜ ᱠᱟᱱᱜ-ᱟ ᱾

ᱛᱟᱦᱮᱸᱱᱟᱹᱧ ᱟᱵᱚᱨᱮᱱ ᱜᱚᱥᱟᱸᱭ ᱥᱟᱶ 

ᱛᱩᱢᱫᱟᱜ ᱴᱟᱢᱟᱠ ᱜᱷᱩᱲᱤ ᱥᱟᱶ

ᱛᱤᱨᱭᱟᱹᱣ ᱵᱟᱱᱟᱢ ᱥᱟᱠᱣᱟ ᱥᱟᱶ

          ᱥᱟᱨ ᱠᱟᱹᱯᱤ ᱡᱟᱦᱮᱨ ᱥᱟᱶ 

ᱜᱩᱱ ᱵᱟᱹᱧ ᱵᱟᱹᱲᱤᱡ ᱛᱤᱧᱟ 

ᱜᱩᱡᱩᱜ ᱨᱮᱦᱚᱸᱧ ᱛᱟᱦᱮᱸᱱᱟ 

ᱜᱩᱨ ᱦᱚᱲᱢᱚ ᱦᱟᱥᱟᱜ ᱨᱮᱦᱚᱸ

          ᱜᱩᱱ ᱫᱚ ᱵᱟᱭ ᱦᱟᱥᱟᱜ-ᱟ ᱾ 

ᱞᱤᱴᱟᱹ ᱜᱚᱥᱟᱸᱭ ᱟᱜ ᱵᱚᱦᱚᱜ 

ᱞᱚᱵᱚᱭ ᱠᱚᱞᱜᱟ ᱛᱮ ᱪᱚᱨᱚᱠ ᱧᱮᱞᱚᱜ

ᱞᱟᱦᱟᱭ ᱞᱟᱹᱜᱤᱫ ᱥᱟᱱᱛᱟᱲᱤ ᱥᱟᱶᱦᱮᱫ 

          ᱟᱡᱟᱜ ᱛᱷᱩᱢᱤᱧ ᱠᱷᱚᱡᱚᱜ ᱾

ᱟᱵᱚᱣᱟᱜ ᱡᱟᱹᱛᱤ ᱥᱟᱶᱛᱟ ᱞᱟᱹᱜᱤᱫ 

ᱟᱵᱚᱣᱟᱜ ᱫᱤᱥᱚᱢ ᱞᱟᱹᱜᱤᱫ 

ᱟᱞᱟᱭ ᱠᱟᱜ-ᱟᱹᱧ ᱡᱷᱚᱛᱚᱣᱟᱜ

          ᱟᱞᱟᱭᱟᱹᱧ ᱡᱤᱣᱤᱫ ᱡᱤᱣᱤ ᱦᱚᱸ ᱾

ᱠᱟᱹᱢᱤ ᱨᱮᱜᱮ ᱦᱚᱠ ᱛᱤᱧ ᱢᱮᱱᱟᱜ 

ᱠᱩᱲᱟᱹᱭ ᱨᱮᱫᱚ ᱵᱷᱟᱹᱭ ᱵᱟᱹᱱᱩᱜ

ᱠᱷᱟᱹᱴᱣᱟᱹ ᱟᱠᱟᱹᱧ ᱛᱟᱦᱮᱸᱱᱟ 

          ᱞᱟᱹᱭ ᱟᱠᱟᱫᱟᱭ ᱢᱟᱨᱟᱝ ᱫᱮᱣᱟ ᱾

ᱡᱤᱭᱚᱱ ᱨᱮᱭᱟᱜ ᱵᱩᱜᱤ ᱵᱟᱹᱲᱤᱡ ᱠᱟᱛᱷᱟ 

ᱡᱤᱣᱤ ᱪᱟᱞᱟᱣ ᱛᱟᱭᱚᱢ ᱵᱟᱰᱟᱭᱚᱜ

ᱡᱤᱣᱤᱫ ᱡᱤᱵᱚᱱ ᱨᱮᱜᱮ ᱚᱱᱟᱛᱮ 

          ᱱᱟᱯᱟᱭᱟᱜ ᱜᱮᱧ ᱠᱟᱹᱢᱤ ᱠᱟᱜ ᱾

ᱢᱚᱬᱮ ᱢᱚᱠᱟ ᱰᱷᱚᱰᱟ ᱨᱮ ᱵᱟᱹᱲᱤᱡ- 

ᱢᱟᱨᱮ ᱠᱟᱛᱷᱟ ᱫᱚᱸᱧ ᱦᱩᱧᱡᱟᱹᱝ ᱠᱟᱜ

ᱢᱟᱬᱟᱝᱚᱜ ᱟᱹᱧ ᱱᱟᱶᱟ ᱱᱟᱶᱟ 

          ᱠᱟᱛᱷᱟᱹᱧ ᱯᱟᱧᱡᱟᱭ ᱛᱮ ᱾

ᱤᱧᱟᱜ ᱥᱟᱥᱚᱱ ᱫᱟᱲᱮ ᱛᱟᱦᱮᱸᱱ ᱨᱮᱦᱚᱸ 

ᱤᱠᱟᱹ ᱜᱮᱧ ᱪᱟᱞ ᱟᱠᱚᱣᱟ ᱤᱧ ᱫᱚ

ᱤᱠᱟᱹ ᱜᱮ ᱢᱟᱨᱟᱝ ᱥᱟᱥᱚᱱ ᱠᱷᱚᱱᱟᱜ 

          ᱢᱩᱪᱟᱹᱫ ᱜᱮ ᱵᱟᱹᱱᱩᱜ ᱤᱠᱟᱹ ᱨᱮᱱᱟᱜ ᱫᱚ ᱾

ᱥᱟᱭᱴᱤ ᱵᱤᱱᱥᱚ ᱵᱟᱦᱟ ᱞᱮᱠᱟ 

ᱥᱟᱭᱴᱤ ᱢᱩᱨᱩᱠ ᱦᱚᱱ ᱠᱚ ᱵᱮᱨᱛᱷᱟ 

ᱥᱚ ᱵᱟᱦᱟ ᱞᱮᱠᱟ ᱥᱚᱜ 

          ᱚᱱᱟᱛᱮ ᱞᱮᱛᱟᱲᱤᱧ ᱨᱤᱠᱟᱹᱭᱟ ᱾

ᱦᱟᱱᱟ ᱯᱩᱨᱤᱧ ᱥᱮᱱᱚᱜ ᱥᱚᱢᱚᱭ 

ᱦᱚᱲᱠᱚ ᱦᱚᱢᱚᱨᱚᱜ ᱤᱧᱤᱧ ᱞᱟᱸᱫᱟᱭ

ᱦᱟᱭᱪᱚᱜᱚᱜ ᱟᱠᱚ ᱟᱹᱰᱤ ᱥᱚᱠᱛᱚ 

          ᱡᱩᱫᱤᱧ ᱠᱟᱹᱢᱤ ᱠᱟᱜ ᱱᱟᱯᱟᱭ ᱾ 

ᱧᱩᱭ ᱨᱮᱦᱚᱸ ᱠᱚ ᱡᱚᱛᱚ ᱦᱚᱲ 

ᱧ ᱫᱚ ᱵᱟᱹᱧ ᱧᱩᱭᱟ ᱦᱟᱴ-ᱦᱟᱺᱰᱤ 

ᱧᱩ ᱥᱟᱨᱮᱡ ᱦᱟᱯᱲᱟᱢ ᱠᱚᱣᱟᱜ 

          ᱥᱩᱢᱩᱝ ᱜᱮ ᱤᱧ ᱫᱚᱸᱧ ᱧᱩᱭᱟ ᱾

ᱨᱩᱻᱣᱟᱛᱮ ᱦᱚᱲᱠᱚ ᱥᱮᱨᱮᱧ ᱡᱚᱝ ᱠᱟᱱ 

ᱨᱩᱣᱟᱹᱛᱮ ᱤᱧ ᱦᱚᱸᱧ ᱥᱮᱨᱮᱧ ᱡᱚᱝ ᱠᱟᱱ 

ᱨᱟᱹᱥᱠᱟᱹ ᱵᱮᱨᱟᱹᱥᱠᱟᱹ ᱥᱩᱠ ᱚᱥᱩᱠ 

          ᱫᱷᱟᱹᱨᱛᱤ ᱨᱮ ᱱᱚᱝᱠᱟ ᱪᱟᱹᱞᱩ ᱟᱠᱟᱱ ᱾

ᱩᱯᱠᱟᱹᱨ ᱠᱚᱣᱟᱭ ᱦᱚᱲ ᱡᱟᱦᱟᱸᱭ 

ᱩᱱᱠᱩ ᱴᱷᱮᱠᱚᱱ ᱵᱟᱭ ᱠᱷᱚᱡᱚᱜ ᱠᱩᱲᱟᱹᱭ 

ᱩᱱᱤ ᱜᱮ ᱯᱨᱩᱠᱩᱛ ᱩᱯᱠᱟᱹᱨᱤᱭᱟᱹ 

          ᱱᱚᱝᱠᱟ ᱠᱟᱹᱢᱤ ᱤᱧ ᱦᱚᱸᱧ ᱨᱤᱠᱟᱹᱭ ᱾

ᱪᱤᱱᱤ ᱟᱨ ᱵᱟᱹᱞᱤ ᱥᱚᱲᱮ ᱠᱷᱚᱱᱟᱝ 

ᱪᱤᱱᱤ ᱜᱮ ᱢᱩᱡ ᱮ ᱵᱟᱪᱷᱟᱣ ᱡᱚᱝ

ᱪᱩᱨᱤᱛ ᱵᱩᱜᱤ ᱟᱨ ᱵᱟᱹᱲᱤᱡᱟᱜ ᱠᱷᱚᱱ 

          ᱵᱩᱜᱤᱭᱟᱜ ᱜᱮ ᱤᱧ ᱦᱚᱸᱧ ᱦᱟᱹᱨ ᱡᱚᱝ ᱾

ᱫᱩᱠ ᱜᱮ ᱜᱚᱥᱟᱸᱭ ᱤᱧ ᱠᱚᱭᱮᱭᱟ

ᱫᱩᱠ ᱜᱮ ᱤᱧ ᱫᱚᱸᱧ ᱠᱷᱚᱡᱚᱜ-ᱟ 

ᱫᱩᱠ ᱥᱟᱶᱜᱮ ᱟᱡ ᱫᱚᱭ ᱛᱟᱦᱮᱸᱱ

          ᱥᱩᱠ ᱥᱟᱶ ᱫᱚ ᱵᱟᱭ ᱛᱮᱦᱮᱸᱱ ᱾

ᱮᱨ ᱮᱱᱟ ᱨᱤᱛᱤ ᱥᱟᱶᱦᱮᱫ ᱤᱛᱟᱹ

ᱮᱱᱛᱮ ᱟᱯᱮ ᱦᱚᱸ ᱟᱫᱚ

ᱮᱠᱮᱱ ᱠᱚᱠᱭᱚᱜ ᱟᱞᱚᱯᱮ ᱜᱟᱱᱚᱜ

          ᱛᱟᱦᱮᱸᱱ ᱢᱟ ᱱᱚᱣᱟ ᱦᱟᱨᱟ ᱵᱩᱨᱩᱭ ᱨᱤᱠᱟᱹ ᱾

ᱯᱨᱩᱠᱩᱛ ᱯᱮᱲᱟ ᱯᱩᱛᱷᱤ ᱠᱟᱱᱟᱭ

ᱯᱩᱛᱷᱤ ᱜᱮ ᱯᱨᱩᱠᱩᱛ ᱜᱟᱛᱮ ᱠᱟᱱᱟᱭ 

ᱯᱚᱛᱚᱵ ᱵᱟᱭ ᱨᱚᱲ ᱨᱮᱦᱚᱸ 

          ᱱᱟᱱᱟ ᱦᱩᱱᱟᱹᱨ ᱠᱟᱛᱷᱟ ᱞᱟᱹᱭ ᱟᱹᱧᱟᱹᱭ ᱾

ᱰᱷᱤᱞᱟᱹᱣ ᱠᱟᱛᱮ ᱚᱲᱟᱜ ᱫᱩᱣᱟᱹᱨ

ᱰᱷᱤᱞᱟᱹᱣ ᱠᱟᱛᱮ ᱟᱭᱳ ᱵᱟᱵᱟ 

ᱰᱷᱤᱞᱟᱹᱣ ᱠᱟᱛᱮ ᱮᱨᱟ ᱩᱨᱩ

          ᱪᱷᱩᱴᱟᱹᱣ ᱠᱚᱜ-ᱟᱹᱧ ᱥᱟᱶᱦᱮᱫ ᱥᱟᱫᱷᱟᱣ ᱾

ᱱᱚᱶᱟ ᱫᱚ ᱤᱧᱟᱜ, ᱚᱱᱟ ᱫᱚ ᱟᱡᱟᱜ 

ᱱᱩᱭ ᱫᱚ ᱤᱧᱤᱡ, ᱩᱱᱤ ᱫᱚ ᱟᱡᱤᱡ

ᱱᱚᱝᱠᱟ ᱵᱟᱹᱧ ᱢᱮᱱᱟ; ᱢᱮᱱᱟᱹᱧ-

          ᱫᱷᱟᱹᱨᱛᱤ ᱫᱚ ᱠᱟᱱᱟ ᱤᱧᱟᱜ ᱜᱷᱟᱨᱚᱸᱡᱽ ᱾

ᱴᱤᱯᱤᱧ ᱛᱮᱣᱮᱧ ᱟᱛᱮ ᱵᱷᱟᱹᱭ 

ᱴᱷᱮᱱᱴᱟ ᱠᱩᱰᱤ ᱛᱮ ᱦᱟᱥᱟᱹᱧ ᱞᱟᱭ

ᱴᱚᱞᱟ ᱴᱚᱞᱟᱹᱧ ᱫᱟᱲᱟᱱ ᱠᱚᱠᱚᱭ

          ᱮᱱᱛᱮ ᱨᱮᱦᱚᱸ ᱥᱚᱛ ᱦᱚᱨ ᱵᱟᱹᱧ ᱵᱟᱹᱜᱤ ᱜᱚᱭ ᱾

ᱵᱤᱨᱫᱟᱹ-ᱫᱚᱨᱭᱟ ᱨᱮᱧ ᱯᱟᱭᱨᱟᱜ-ᱟ 

ᱵᱟᱨᱚᱱ ᱫᱟᱵᱚᱱ ᱵᱟᱹᱧ ᱟᱧᱡᱚᱢ

ᱵᱟᱹᱧ ᱟᱧᱡᱚᱢᱟ ᱢᱟᱱᱟ 

          ᱜᱮᱭᱟᱱ-ᱜᱚᱝᱜᱷᱟᱹᱧ ᱚᱣᱟᱨ ᱡᱚᱝᱟ ᱾᱾

                              ***

--------------------------------------------------------

ᱦᱟᱱᱟ ᱯᱩᱨᱤᱧ ᱥᱮᱱᱚᱜ ᱥᱚᱢᱚᱭ ᱹᱹᱹᱹ

ᱱᱚᱶᱟ ᱠᱷᱚᱫᱽ ᱵᱚᱫᱚᱞ ᱛᱮ ᱞᱟᱛᱟᱨ ᱨᱮᱭᱟᱜ ᱠᱷᱚᱫᱽ ᱦᱚᱸᱵᱚ ᱵᱮᱵᱷᱟᱨ ᱫᱟᱲᱮᱭᱟᱜ-ᱟ ᱾ 

ᱦᱟᱱᱟ ᱯᱩᱨᱤᱧ ᱥᱮᱱᱚᱜ ᱡᱷᱚᱜ 

ᱦᱚᱲ ᱠᱚ ᱞᱟᱸᱫᱟᱭ ᱤᱧᱤᱧ ᱦᱚᱢᱚᱨᱚᱜ

ᱦᱟᱭᱪᱚᱜ ᱫᱚ ᱵᱟᱝ ᱨᱟᱹᱥᱠᱟᱹ ᱡᱚᱝ ᱠᱚ 

ᱡᱩᱫᱤ ᱵᱟᱹᱲᱤᱡ ᱤᱧ ᱠᱟᱹᱢᱤ ᱠᱟᱜ ᱾ 

                       

ᱜᱤᱫᱟᱹᱨ ᱜᱤᱫᱟᱹᱨ

ᱜᱤᱫᱟᱹᱨ ᱜᱤᱫᱟᱹᱨ 

ᱦᱮᱸ ᱟᱭᱳ

ᱫᱟᱠᱟᱢ ᱡᱚᱢᱟ?

ᱵᱟᱝ ᱟ ᱭᱳ 

ᱠᱟᱹᱠᱟᱹᱭᱮᱢ ᱡᱚᱢᱟ?

ᱵᱟᱝ ᱟ ᱭᱳ 

ᱛᱟᱵᱮᱱᱮᱢ ᱡᱚᱢᱟ?

ᱵᱟᱝ ᱟ ᱭᱳ

ᱞᱟᱹᱰᱩᱢ ᱡᱚᱢᱟ?

ᱦᱮᱸ ᱟᱭᱳ ᱾

᱒

ᱜᱤᱫᱟᱹᱨ ᱜᱤᱫᱟᱹᱨ 

ᱦᱮᱸ ᱟᱭᱳ

ᱫᱟᱜ ᱮᱢ ᱧᱩᱭᱟ?

ᱵᱟᱝ ᱟ ᱭᱳ

ᱥᱚᱨᱵᱚᱛ ᱮᱢ ᱧᱩᱭᱟ?

ᱵᱟᱝ ᱟ ᱭᱳ

ᱯᱮᱯᱥᱤᱢ ᱧᱩᱭᱟ?

ᱵᱟᱝ ᱟ ᱭᱳ

ᱛᱚᱣᱟᱢ ᱧᱩᱭᱟ?

ᱦᱮᱸ ᱟᱭᱳ ᱾

(ᱱᱚᱶᱟ ᱚᱱᱚᱬᱦᱮᱸ ᱫᱚ ᱤᱧᱟᱜ ᱪᱟᱸᱫᱚ ᱢᱟᱢᱚ ᱯᱚᱛᱚᱵ ᱠᱷᱚᱱᱟᱜ ᱛᱩᱢᱟᱹᱞ ᱟᱠᱟᱱᱟ ᱾ )

***

ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ

ᱤᱧᱟᱜ ᱛᱤ

ᱡᱚᱡᱚᱢ ᱛᱤ 

ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ,

ᱤᱧᱟᱜ ᱛᱤ

ᱞᱮᱸᱜᱟ ᱛᱤ 

ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ ᱾

ᱤᱧᱟᱜ ᱠᱟᱴᱟ

ᱡᱚᱡᱚᱢ ᱠᱟᱴᱟ

ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ,

ᱤᱧᱟᱜ ᱠᱟᱴᱟ

ᱞᱮᱸᱜᱟ ᱠᱟᱴᱟ

ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ ᱾

(ᱱᱚᱶᱟ ᱚᱱᱚᱬᱦᱮᱸ ᱫᱚ ᱤᱧᱟᱜ ᱪᱟᱸᱫᱚ ᱢᱟᱢᱚ ᱯᱚᱛᱚᱵ ᱠᱷᱚᱱᱟᱜ ᱛᱩᱢᱟᱹᱞ ᱟᱠᱟᱱᱟ ᱾ )

***